NBA-ah a season 20-na a hmang mek chungin LeBron James a la chungnung hle a. New York Knicks lakah triple-double neiin a team a khaichhuak a. 129-123 in overtime ah an chak.
James hian tun season-ah mimal a season ropui a hmang mek a. NBA chanchin a point score hnem ber a ni teuh tawh hle a, point 89 chiah a mamawh tawh.
Hetihlai hian Lakers erawhin season hautak an hmang a. An player thenkhat an inhliam leh thin an tawrh bakah tunhnaia an player lakluhte beisei angin an che tha thin lova, hei vang hian tun season-ah Playoff khelpha tur chinah an la awm lova. Nimahsela Play-In tournament tal khelh phak an la tum.
Madison Square Garden a inkhelah Hames hian point 28 score in assist vawi 11 a neih bakah rebound 10 a la a. Anthony Davis chuan point 27 score bawkin mi thar Rui Hachimura chuan point 19 a score.
Lakers coach Darvin Ham chuan, “Engkim a ti vek thei. Point a score a, a pass bawk a, defense a khel bawk. Player ropuite tih thin a ni a, he infiamna chanchin a ropui berte zingah a tel a, zaninah chiang takin a hmuh theih.” tiin James a fak.
Knicks tan Jalen Brunson chuan point 37 a score a, Julius Randle chuan point 23 leh rebound 12 a la.