Miss Universe intihsiakna neih zawh taka inlan chu atan thil harsa leh hrehawm a ni a, mite’n an kawmserh bakah an hel kual thin niin, Miss Russia chuan a sawi.
He intihsiakna ah hian Ukraininan leh US contestant te chu duhsak bik nia awmin a sawi bawk a, atan thil harsa em em mai, social media kaltlanga vauna dawn reng bawk nen, mangchhia a ni chiang hle, a ti a ni.’
Miss Russia Anna Linnikova chuan Russia leh Ukraine indona sawi lang chiah lo mah se, Evening Moscow-in a interview-ah ram pahnih inkara buaina vanga ensan leh kawmserh anih thu sawin, “Mi tam takin min chu-e-kha-e lova, min hlat vek mai a ni. Ka nihna leh chawrchhuahna an hriat phei kha chuan min be duh lova, min hnuchhawn hmak hmak ze. Ukraine leh Switzerland nula te phei kha chuan min ei lo lehzual a ni,” a ti.
Hei mai hi a ni lova, intihsiakna neih hma leh neih chhung zawng khan social media kaltlangin vauna thahnem tak a dawng zut zut a, awmnawm loh pahna leh rilru buaina nasa tak thlen thei thil a nih avangin mimal tak pawhin harsatna namen lo a tawngbua.
Linnikova hi thlamuang takin a awm lo tluan parh a tih theih a, hrehawm a ti hle.
Contestant zingah Miss Venezuela deuh chiahin a be luam peih a, khawngaihna leh lainatna lantir awmchhun ni deuh miin asawi bawk.
Top 16 bik kha political context vek ni tawhin a hre deuh mai a, fair tawk lovah a ngai. Amaherawhchu, final stage thlang pha lo mah se, a inlan dan, hawi her leh chetvelna erawh a chhuang a, engmahin a tibuai lova, quality tha leh dik tak a phochhuak thei tho niin, a sawi.