BTS fan te tan February 2, 2023 zan khan zan chhinchhiahtlak, zan duhawm leh zan hriatreng tawh tur a ni ngei ang. Sawi leh puan lawk awm miah lovin Jungkook chuan Instagram live a nei thut mai a, a thianpa V nen record ropui tak an siam nghal.
Band member zinga naupang ber Jungkook hian fan te a bia a, live performance nei zuin, hla thahnem tak a sa a, darkar 4 vel awh an inlan a, hetah hian Taehyung pawhin Instagram-ah minute 10 vel rawn zaipuiin, a rawn inlan ve bawk a, an pahnih Live entu an thahnem ngang mai a, Instagram record-ah chuan 910K a ni hman a, heti ang zata tam, vawikhata Instagram Live entu ngah hi a la awm ngai lova, BTS huhang natzia leh anthawm thangvelin khawvel a tuamchhuahzia chiang takin an pholang.