Hun harsa angreng tak a tawh hnu-ah Facebook chuan ngaiawh mai ni lovin, hmasawn lam a pan niin a lang a, tunah hian khawvel mihring pali zela pakhatin Facebook an khawih ta! User zat hi billion 2 an awm ta reng mai.
NIkum 2022 December khan hmasawnna duhawmm hmuh niin, khawvel population hmun lia thena hmun khat zetin Facebook an hmang tawh chu founder leh CEO Mark Zuckerberg tan lawmna a tikim hle.
Kum 2022 khan an tan chona harsa leh namai lo tak anih thu a lo sawi tawh a, company tan pawha hlawkna chu sawi loh, tlakchhiat an pan nia sawi laia kum tawp result duhawm tak hriat theih a ni ta hi thawk huaina tham a ni ngei ang.
An beisei miah loh thil a thleng a, hmasawnna duhawm an hmuh avang hian hun engemaw chen kalta atang tawha advertisement lama an tlakhniamna leh senso hauh tak vanga company buaina pawhin ziaaawm lam a pan chho turah an ngai bawk.
Hetih lai hian TikTok nena an inelna lian tak, Reels lamah an chetthat vangin company tan thil lawmawm a ni lehzual a, thalai leh tleirawl, naupang lam thlenga buaipui Reels hian nasa takin a vawrhkang niin, Zuckerberg hian a sawi a ni.