Shaligram (Hindu sakhuaa Lord Vishnu aiawhtu) lungte chuan Nepal atangin Ayodhya-a Ram Temple hmun a thleng ta.
Lung thianghlimte hi Hindu pathian, Lord Ram-a pianna hmunah puithiam leh tual chhung mi eng emaw zatin lo dawngsawngin chawimawina leh zahna an lo hlan a, hemi hnu hian Shri Ram Janmabhoomi Teerth Kshetra Trust hnenah an hlan zui.
Lung lian takte hi Ram leh Janaki lim siamna atana hman a ni dawn anga sawi a ni a, milimte hi Ram Mandir sak meka temple complex pui berah dah tur an ni.
Lungte hi Myagdi leh Mustang district luang tlang, Kali Gandaki River kamah chauh hmuh tur a awm a. Ayodhya-ah hian truck lian chi hmangin Sita pianna hmun, Janakpur, Nepal atanga phurh thlen a ni.
Shaligram lungte hi Nilaini khan Gorakhpur thlenpui niin mipui tan tawngtaina hman theih tura hawn a ni.
“Nepal-ah hian tui khawh thla, Kali Gandaki a awm a. Ganeshwar Dham Gandki atanga km 85 vela hla, Damodar Kund atanga luang a ni a. Chu hmun atang chuan lung hi lak a ni a. A awmna hmun hi tuipui zawl atanga feet 6,000 chuanga sang a ni a. Mite chuan kum vaibelchhe tela upa niin an sawi a. Pakhat hi tonne 30 vel niin pakhat hi tonne 14-15 vel a ni,” tiin Shri Ram Janmabhoomi Teerth Kshetra General Secretary Champat Rai chuan ANI hnenah a sawi.
Sita pianna, Janakpur-a piang ve Nepali Congress hruaitu, deputy prime minister ni bawk, Bimalendra Nidhi chuan Kali Gandaki River atangin Shaligram-te hi a thawn a ni.
Lungte hi Madhubani, Bihar-a Pipraun Girjasthan paltlangpuia a awmna tur thlen a ni a, Muzaffarpur leh Gorakhpur-a zan an riahpui hnuah Ayodhya thlenpui a ni.