Aizawl : Kolasib bialtu MLA, Minister K Lalrinliana’n nimin khan MLA fund hmanga Bairabi North-a Football khelmual laihna tur lungphum a phum.
Hemi puala inkhawm tawi neihah K Lalrinliana chuan Bairabi khua chu ramri hnaih a awm a nih angin sawrkarin kawng hrang hranga tihhmasawnna hna kalpui a ngaih pawimawh thu a sawi a, heng hmasawnna hna thawh tawh leh thawh zel tur te hi khawtlang tan a ro tling ni tur a vilpui leh enkawl hna chu neitu nihna thinlung puchunga kalpui thin turin a chah.
Football khelmual siam tur chu bairabi khaw mipuite leh a chhehvel khua mipuite tan infiamna leh hriselna kawng a hmasawnna thlen tur a hmun tangkai tak a nih theih nan changtlung zawk a siam chhoh zel tum a nih thu bialtu MLA chuan bawk a ni.
Minister Rintea chuan Tlawng lui lian avanga Bairabi khawtlangin harsatna an tawh thin tihziaawm nan ‘Construction of River Training Works For Protection of Tlawng River At Bairabi Phase-1’ hna kalpui mek chu a hmun ah a tlawh bawk a. Thawktute kawmin fur ruah thlen hma a hna chak tak a thawh a nih theih nan tan la zel turin a chah a, hunbi tuk chhunga hna zo hman turin a hrilh bawk a ni.
He huna an tarlan danin, tlawng kam ven ngai hi km 1.50 vel anga chhut a ni a, mumal taka lung rem tur niin, a thawhkhatna atan hian NABARD kaltlangin Phase-1 ah hian 300 meter velah hmalakna kalpui mek a ni.