Jammu & Kashmir-a Doda district-ah tun hnaia Uttarakhand-a Joshimath khuain chhiatna a tawh ang chu a thleng leh mek nia ngaih theihin thil a awm mek a. Chenna in leh mosque 20 chuang khi a awm tawh a, mipui an chiai hle.
Thuneitute chuan in khia cheng chhungkuate hi hmun himah sawn an nih thu leh in tikhitu, lei a chet chhan an chhui mek tih an sawi.
“Mipuite an him theihna turin a tul ang zawng zawng kan ti a, tute mahin an tawrh kan duh lo,” tiin Doda Deputy Commissioner Vishesh Mahajan chuan a sawi.
Tathri municipal huam chhunga Nai Basti-ah hian in 50 chuang a awm a ni.
Lei a chet chhan hi thil tam tak a awm thei a. Heng zingah hian kawng laih vang leh tlangrama tui paihna mumal lo vang a ni thei tih an sawi.