Central YMA hnuaia Kumpuan Sub-committee-in nimin khan Khamrang-ah eirawngbawlna gas khawih chingpen bur 318 an man a, he thila inhnamhnawih truck driver pakhat an man.
YMA kumpuan duty te chuan an thudawn bawhzuiin Ningani zan khan Khamrang leh a chhehvelah Gas tihchingpen a awm leh awm loh an enfiah a, a tuk, nimin zing dar 9:30 vel khan Gas phur truck (Ashok Leyland) AS-11DC-1011 chu enfiahin, gas tih chingpen bur 318 an man a, helirthei khalhtu Mahmudul Hasan Laskar, Chesri Borkhola, Cachar Dist, Assam chu an man tel bawk.
Lirthei chawpin Legal Metrology deptt. kutah an hlan a, gas bur te chu thuneitu ten bukin, buk a tling lo tih an finfiah a. Gas buk tling lo an mante hi Caravan Agency hnena pek tur a ni.
YMA kumpuan duty te chuan tunlai hian gas buk tlinglo a tam hle nia sawiin, mipuite fimkhur turin an chah a ni.