Reporters Without Borders (RSF) chuan India hmarchhaka Manipur chu chanchinbumite zalenna palzutna hmun nia sawiin ngaihven a tul thu a sawi.
RSF chuan chanchinbumite hi sorkar, rorelna in leh dan hmanga rorelna pawhin an dikna a palzutsak niin a tar lang.
Tun hnaiah Manipur-a Legislative Assembly session-a rorel laia a chhunga awm ve tum chanchinbumi pakhat, Grace Jajo chu a hma lama tual chhung news website pakhata a thu ziah avangin luh phalsak loh a ni a. Hemi hnu lawkah hian RSF chuan Manipur chungchang hi a sawi chhuak.
Paris-a hmunpui nei, chanchinbumite dikna humhalhtu leh thawktu hian Manipur-a thuneitute chu chanchinbumite an tih dan titawp turin an ti.
Jajo-i hi freelance reporter niin Imphal-a legislative assembly-a rorel inkhawm ngaithla tur hian phalna pawh a nei a; mahse, February 22 khan venhim hna thawktuten tharum nen an nawr chhuak niin RSF hnenah hian a sawi.
Silai keng eng emaw zatin an hual thup bawk tih a sawi bawk.