Aizawl: February 1-5, 2023 chhunga R Dengthuama Hall, Mualpui-a The Salvation Army India Eastern Territorial Congress chu nizan khan a tiak.
Pathianni chawhma khan General Brian Peddel leh a nupui, Commissioner Rosalie Peddel hoin Thianghlimna inkhawm neih a ni a. Colonel Lalhlimpuii, TPWM kaihhruai inkhawmah hian Commissioner Peddle-i’n thuchah a sawi a. Zahngaihna dawhkan hawngin mi 3,000 chuang an inhlan thar.
Major Reuben Lalnunthar Hnamte-in malsawmna sawiin inkhawm a khar a. He inkhawmah hian Territorial Staff Band, Terrritorial Songters leh Central North Division Songters ten hun an hmang bawk. Pathian chawhma inkhawmah mi 4,000 chuang an inkhawm a ni.
Chawhnuah Mualpuikawnah mual inkhawm neih a nih bakah Hriatpuina kawngzawh neih a ni a. Kawngzawhnaah hian mi 4,000 chuang an tel.
Pathian zan Chhandama Inkhawmah Col. Lalhmingliana, TC-in inkhawm a kaihruai a, General Peddle-a’n thuchah a sawi a ni.
General Peddle te nupa chuan Mizoram nuam an tihzia leh Mizoram sorkarin an lo mikhual avangte, Zoram mipui leh Sipai Pawl ten an lo dawnsawnnaah lawmthu an sawi a. Vawiin hian an nupa hian Mizoram chhuahsanin London an pan ang.