German champion lai in kum 2023 bul an tan that loh avangin tun kartawp khan an hmahruaina hloh lailawk mahse Pathianni zanah table chung berah an kir leh thei a. 4-2 in VfL Wolfsburg lakah hnehna an chang.
Volkswagen Arena-ah Bayern Munich in bul tan tha mahse an tan chak a awlsam lo. Inkhelh hma in an goalkeeper inhliam mek Manuel Neuer leh club hotute inkarin ngaihven a hlawh a. A goalkeeping coach Toni Tapalovic ban a nih chungchangah club leh player an inrem lo.
Inkhelah erawh a tir minute 10 chhungin Bayernj Munich in Kingsley Coman goal hnih leh Thomas Muller te goal hmangin hma an hruai a. Minute 54-naah an midfielder Joshua Kimmich chu red card pek a ni thung.
Wolfsburg hian Jakub Kaminski leh Mattias Svanberg te goal khung inkarah Jamal Musiala chuan Bayern goal li na a khung leh a ni.