Spain a hmahruaitu Barcelona in point riat a sang zawk ni turin second half-ah goal thum an khung an chakpui a. Sevilla 3-0 in an hneh.
Spotify Camp Nou a Pathianni zana inkhelah Barca tan Jordi Alba, Gavi leh Raphinha ten goal an khung a. Inelna hrang hrangah vawi 15 a zawnin an tlawm tawh lo.
La Liga bikah match nga chak zawn an ni bawk a. An elpui Real Madrid an tlansan mek.
Real hian Estadi Mallorca Son Moix-ah RCD Mallorca an hmachhawn a. Minute 13-naah Nacho own goal chu an sut thei lo tluan a, 1-0 in Blancos an tlawm.