UFC fachuam Conor McGregor-a’n Octagon a luh leh hun tur a tinzawn theih tawh a. Kuminah a inlan dawn.
Irish fighter hi lightweight star Michael Chandler nen UFC in reality show a buatsaih “The Ultimate Fighter” season thar lo amw turah coach an ni dawn a. TUF coach te hi a zawhah an inhmachhawn thin.
UFC president Dana White chuan fighter pahnihte coach an nih tur hi a sawi chiang tawh a. A hun leh hmun tur erawh la sawi lovin rihna huang tur pawh sawi a la ni lova. 170 pounds-ah a ni dawn niin thu a thang.
TUF season 31-na hi May 30 atanga August 15 thleng tur a ni a, hei vang hian September vel a nih a rinawm hle.
McGregor hi kum 2021 a Dustin Poirier laka a tlawm zawn hnuah ‘fight’ a la nei leh lova. US Anti Doping Agency chuan an ‘testing pool’-ah a awm loh thu Inrinni khan an sawi a, ‘fight’ a neih hma in thla ruk tal a awm a ngai.