Aizawl : Lunglei district Congress thalai (LD- YCC)-in Lunglei Municipal Council (LMC) inthlan puang thuai turin sorkar an phut a. MNF chu LMC inthlan an hmachhawn ngam ngang lo a nih chuan candidate siam ve lo mai turin an ti.
LDYCC chuan MNF sorkarin LMC inthlan a buatsaih tak tak a nih chuan Ward awm zawng zawng Congress party-in an la vek dawn niin an sawi a. Kum 4 chuang Lunglei district-in hmasawnna hmel a hmu tawh lo nia sawiin, a hnung- tawlh zawngin an kal mek thu leh LMC inthlan chu neih thuaia, Lunglei khawpui chhung atanga Lunglei district hmasaw- nna tura ke pen thuai an chak tawh niin an sawi.
Lunglei khawpui chh- ung ami ngei, MNF sor- kara MLA an neih Cabinet Minister C. Lalrinsa- nga, Lunglei HPC Vice Ch- airman Lawmawma Tochhawng, MYC Cha- irman Dr. Vanlaltanpuia leh Bamboo Development Board Vice Chairman Dr. K. Pachhunga ten nihna pawimawh tak tak kum 4 chuang an chelh chhungin an nihna chelhah an lungawiin an duh tawk hle tih an hmu chiang tawk hle a, hmasawnna lam an ngaihthah hle thung niin LDYCC ch- uan an sawi a. MNF party hruaitu lawk te pawhin, Lunglei distri- ct-a MLA an neih te dinhmun thalo tak an hmuh chian avangin, LMC inthlan an puang ngam lo niin an sawi.
Tunhnaia Lunglei kh- awpui chhung kawng si- am chu mipuiin an nawr nasat avang leh LMC in- thlan a hnaih avanga a run dal chauha hmalaknaah LDYCC chuan an puh a. “He kawng siam a chhiat leh hmaa LMC in- thlan puang turin sorkar kan phut” an ti bawk.