India rama hmeichhe cricket inelna ngaihven hlawh ni tur Women’s Premier League season hmasa ber chu March 4 hian an tan dawn.
India ram cricket thuneitu Board of Control for Cricket in India chuan WPL team panga te hnenah season hmasa ber hi Mumbai-ah khelh a ni dawn tih an hriattir tawh a. Brabourne Stadium leh DY Patil Stadium-ah an khel ang.
BCCI chief executive officer Hemang Amin chuan February 13 hian Mumbai-ah player auction an nei dawn tih a sawi a. Amin hian player 1500 auction atan an inziaklut tih sawiin tunkarah final list an tichhuak ang.
Team pakhat in player 15 atanga 18 an squad-ah an nei thei a. Player lilamah hian player 90 lei theih an ni ang.
WPL hi Women’s T20 World Cup final zawh atanga ni 8 hnuah an khel dawn tihna a ni a, hei vang hian BCCI in Mumbai a nghah an rel.