Aizawl : Aizawl khawpui hmasawnna tura hmalakna hrang hrang te rualkhai taka thawh a nih theihna tura mawhphurtu – Coordination Committee on Management of Aizawl City (CoMaCi) chu nimin khan an Chairman, Aizawl Bawrhsap Dr Lalhriatzuali Ralte hovin an thukhawm a. SIPMIU pipe phum chungchang leh pawimawh dang te an sawiho.
Aizawl tuipekna tur Augmentation of Aiza- wl Water Supply Sch- eme hnuaia Water Tr- eatment Plant for 37 MLD siamna tura Hu- nthar peng atanga Cha- nmari West kawnga SIPMIU-in tui lakna tur pipe phum dan tur an buaipui mek chu enfiah a nih tawh thu CoMaCi chuan an sawi a. Helai hmun hi lei che thin a nih avangin fim- khur taka hmalak ngai chi a nih thu avangin zau zawka ngaihtuah a nih theih nan State disaster management auth- ority-a thlen ni se, an ti.
Aizawl Bawrhsap chuan Aizawl khawpui hmasawnna tura hma- lakna hrang hrang te chu insu buai lova rualkhai tak leh mumal zawka kalpui a pawimawh thu sawiin, department hrang hrang ten an hmalakna inhriatpuitawna an thawh tlan tul a tih thu a sawi.
CoMaCi thukhawm hian khawpui chhung kawng tihnawk zawnga bungrua leh motor dah thin ten mipui tan harsatna an thlen thin avangin kawngpuite chu PWD leh AMC pawhin uluk zawkin vil se, an ti a. Hei hi chak zawka bawhzui a nih theihna tura lo zirchiang turin Addl DC., SP Aizawl, SP Traffic, PWD leh AMC te an ruat bawk.