Zirtawpni kaltaa Harry Potter video game thar tlangzarh, ‘Hogwarts Legacy’ chu LGBTQ te beihna nasa tak karah hralh a kal miah miah hle.
Harry Potter ziaktu JK Rowling thusawi ngaimawhawm leh pawm harsa tak nia sawi chungchanga inhnialna leh thu inchuh boruak rit tak zing mup mup karah tlangzarh a ni chungin an inchan lo a ni ber mai.
Scottish writer hian 2020 daih tawh khan ‘Hmeichhia’ ti mai lova, ‘Thlatin thi nei’ tih a hmang kha tun thleng hian pawm harsa ti leh ngaimawh an la awm reng a, video games thar tihchhuah tur boruak a inmun chhoh kha nasa taka tharthawh leh a ni.
Rowling chuan an phuhna hi nasa takin a pha thung. Video games tlangzarh a nih dawn khan boycott tura nawrna leh ngenna pawh a riring hle na a, sales chart-ah sang ber nihna a hauh ta tho.