Azl: Mizoram Pradesh Youth Congress Committee (MPYCC) chuan nimin khan Home Minister Lalchamliana lehkha thawnin Mizoram Police-te an hna pangngai (official duty) piah lamah mi mal hnaa inchhawr titawp an duh thu an thlen.
Congress Thalaiin tun hnaiah Mizoram Police department hnuaiah an hotuten an naute an hna pangngai piah lamah mi mal hnaa inchhawr a hluar tan tih report dawngin, hetianga mi mal thil inchhawr hi tha lo an tih thu leh tihtawp a nih ngei theih nan ziakin ngenna an thlen a ni.
Home Minister Lalchamliana hnena ziaka ngenna an thlen hi Director General of Police, Mizoram Devesh Chandra Srivastva, IPS hnenah a copy an pe nghal bawk.