Saudi Arabia club Al Hilal chuan player 10 a inkhel zo Brazilian club Flamengo chu an hneh a. Club World Cup final an khel dawn.
Thawhlehni zanah Morocco a Tangier khawpui a Stade Ibn-Batouta-ah Club World Cup semi-final hi khelh a ni a. 3-2 in Al Hilal an chak.
Al Hilal in minute thumnaah penalty hmu nghalin Salem Al Dawsari chuan goal-ah a khung a. Hei hi Brazilian striker Pedro chuan first half-ah a sut.
Mahse Gerson-a’n halftime dawnah penalty chawi lehin Dawsari bawkin Al-Hilal goal hnihna a khung. Penalty chawitu hi red card pek a ni bawk.
Argentine forward Luciano Vietto chuan Al-Hilal goal thumna minute 70-naah a khung ve leh a. Flamengo hian huntawp dawnah Pedro hmangin goal khat khung leh mahse an si phurh an sut zo thei lo.
Al Hilal coach Ramon Diaz chuan, “Flamengo beisei ai khan kan tha a, kan inbuatsaihna a that bakah kan rilru puthmang leh kan inrem dan kha an rin ang a ni lo.”
“4-3-3 atang 4-4-1-1 kan hman kha an beisei lova, Vietto kha attacking midfielder angin an beisei lo.” a ti.