Tukin zing dar 1:30 thleng NBA trade deadline hawn a ni a. Team insiamrem tumte tunkarah an che nasa. Heng zingah hian Los Angeles Lakers leh Phoenix Suns te an tel.
Lakers in Russell Westbrook chu Utah Jazz hnenah kaltir in team pathum inremna neihah Lakers hian point guard D’Angelo Russell chu Minnesota Timberwolves atangin an lalut.
Ani bakah Malik Beasley leh Jarred Vanderbilt an lalut a. Timberwolves in guard Mike Conley leh Nickeil Alexander-Walker leh draft pick engemaw zat dawngin Jazz in Westbrook bakah Juan Toscano-Anderson, Damian Jones leh 2027 Lakers first-round pick an chang thung.
Ningani vêk khan Phoenix Suns chuan Brooklyn Nets atangin All-NBA forward Kevin Durant lalut turin inremna an nei a. Brooklyn Nets hnenah player pathum bakah first round pick pali an kaltir dawn.