Vantlang ram humhalhna dan siamţhatna ‘The Mizoram (restriction on use of transferred lands) (amendment) bill, 2023’ chu nimin khan State Legislative Assembly-in a pawm.
Assembly thutkhawm neih mekah nimin khan Revenue Minister Lalruat- kima’n he bill hi pulutin, Aizawl lailia Assam Rifles chhuahsan tur ram chu vantlang tana hman tur chauhva humhalha, mimalin an neih theihlohna tur dan chu kum 2002-ah Assembly-in a pawm tawh thu sawiin, hremna ‘thla 3 lungin tan leh Rs. 2,000 chawi’ tih chu he dan siamţhat tur ah chuan tunlai dinhmun thlirin lungin tantira hrem chu paihin, pawisa chawitir tur zat erawh Rs. 5,000 ah tihsana, an chawi duh loh chuan nitin Rs 500 a pung tura tih a nih thu a sawi.
AR-in an luah mek ram, an chhuahsan tura mimal ram zinga 8-in sor- karah LSC an pekir tawh a. La pekir lo leh pekir duhlote hremna atan dan siam a ni tawh bawk a ni.