Nagaland-a assembly inthlan lo awm turah Akuluto biala BJP candidate Kazheto Kinimi chu chuhtu dang an awm ve loh avangin tlinga puan a ni.
A biala a tlin leh hnuah Kinimi chuan a term hnih nana Akuluto bial vawng leh tura thlan a nih chu chawimawina ropui tak a nih thu a sawi.
Assam chief minister leh NEDA convenor Himanta Biswa Sarma pawhin Kinimi-a hi Nagaland legislative assembly-a chuhtu awm lova a tling chu a lawmpui thu a sawi a. Nagaland deputy chief minister leh BJP hruaitu hlun, Y Patton pawhin a lawmpui thu leh a kal zelna turah duhsakna a hlan ve bawk.
Nagaland assembly inthlan hi February 27, 2023-a neih tura ruahman niin mi 60 thlan chhuah tur an ni a. March 2, 2023-ah vote tlate chhiar a ni ang.
Kinimi-a hi Zirtawpnia chuh tum inhnuhdawh theih tawp nia a inhnukdawk lo va, a bialah chuh ve dang an awm lo bawk a ni.