Aizawl : Agriculture technology management agency (ATMA) leh Horticulture department-in Ningani khan Lunglei-ah Khuai khawi training buatsaihin, Khuai bawm an sem a, he hun hi Lunglei district horticulture officer Lalrinsanga’n a hmanpui.
Training kaihhruaitu ATMA Lunglei Project Director, Dr. V. Zodinsanga’n AT- MA Lunglei hmalakna hrang hrang sawiin, Lunglei district bakah Hnahthial district an enkawl thu a sawi a. Kuthnathawktute tan programme an buatsa- ih ṭhin thu leh Khuai kh- awina bawm 65 an semchhuah tawh thu a sawi.
He hun hmanpuitu District Horticulture officer Lalrinsanga’n Khuai khawi chu Agriculture leh Horticulture department nena inzawm tlat a nih thu sawiin, Khuai chu Ag- riculture product-ah th- il ṭangkai tak, thlai chi inthlahchhawnna kaw- nga thawktu ṭangkai tak an nih thu a sawi a. “Kuthnathawktute tan chuan Khuai hi kan ṭhian ṭha tak a ni” a ti.
Khawi zu chu sum hnar ṭha tak leh mih- ring tan damdawi ṭha tak a nih thu DHO chuan sawiin, pangpar leh thlai hnah par chi awm tamna hmunah chuan Khuai khawi nachang hriat a ṭhat thu leh a remchan bik thu a sawi a. Lunglei district-ah pawh Khuai khawi lama hmalak nachang hria mi engemawzat an awm tawh chu lawmawm a tih thu leh theihtawp chhuaha midangte pawhin Khu- ai khawi duhna rilru an put theihna tura nasa zawka ṭan la zel turin a chah bawk.