Cristiano Ronaldo chuan league goal 500 a khung tling a. Ningani zanah Al Nassr tan goal li a khung.
Saudi Pro League a inkhelah Ronaldo team hian Al Wehda 4-0 in an hneh a, an goal zawng zawng hi kum 38 mi khung hi a ni.
King Abdulaziz Sports City Stadium a inkhelah Ronaldo hian minute 21-naah goal hmahruai a khung a. Hei hi a league goal 500-na chiah a ni.
Minute 40-naah chhunzawmin minute 53-naah penalty atangin goal a khung belh a. Hattrick a siam hnuah minute 61-naah an goal hnuhnung ber a khung.
Ronaldo hian Manchester United atanga a contract tihtawp a nih hnuah Saudi Arabia lam a pan a. A inkhel hmasa pahnihah goal khung lo mahse an tunhnai match hnih chhungin goal nga a khung tawh.
Kum 2019 European Championship qualifying-ah Lithuania laka goal li a khung hnua inkhel vawikhat a goal li a khung lehna hmasa ber a ni a. Club football-ah March 2018 a La Liga a Girona laka a khung hnuah a khung tlin lehna a ni.