Shah Rukh Khan film, ‘Pathaan’ chu khawvelpumpuiah a hit tial tial mek a, January 25-a tihchhuah hian Rs cheng vaibelchhe 900 lalut tawhin, Hindi film industry-ah sum lalut hnem ber a ni ta.
Sidharth Anand-a siam spy thriller hian ni 15 16 liam hnu ah pawh a thawm a na reng tho a, inrinni khan Rs vaibelchhe 900 (Billion 9) a lalu tawh. Deepika Padukone leh John Abraham te inlanna ni bawk hi zirtawpni khan india ramchhung bikah cheng vaibelchhe 590 a hmuchhuak tawh bawk.
Heti hi a nih avangin Hindi film industry-ah ‘Pathaan’ khum zo tun dinhmunah an la awm lova, a record ropui tak siam hi chhuhsak a huphurhawm viau mai thei a ni