Mi tu tih hriat lohten Pathianni zing (Inrinni zan) hma takah khan Manipur-a Congress hruaitu in, Imphal East district-a mi chu an kap nia sawi a ni.
Mi sualte an beih hi Manipur Pradesh Congress Committee Vice President Hareswore Goswami-a in a ni.
Silai hmeh puah hi zing dar 12.40 a ni a, Wangkei Konsam Leikai-a in chu an kap a ni.
Mi sualte hian silai vawi 10 vel an hmet puak a, lirthei hmangin an tlanchhe zui nghal a ni.
Manipur police chuan Goswami-a chenna ina gate bulah 9mm pistol kartut ruak 10 an hmuh thu an sawi.
Gate-a CCTV dah atanga a lan dan chuan a kaptute hi pakhat aia tam niin car-in an kal a, an kah zawhah an tlan zui lehnghal daih a ni.
Thubuai ziah luh niin a titute hi man tuma chhui zui nghal mek an nih thu police chuan an sawi a. Eng pawl mahin an tihah an la chhal lo.
A hma ni chiah hian Congress chuan police-in an party thalai hruaitu, N Popilal-a’n local TV channel-a ruihhlo tawlhtute laka sorkar chet dan a sawi avanga a laka FIR ziah luh duh lohna, sit-in protest an huaihawt.
Congress hian Zirtawpni zan, Inrinni zinga an party pisa hal tuma chetna an demna an lantir nghal bawk.
Hetianga hun an hman zawhah hian chief minister hlui, Okram Ibobi Singh-a hovin Congress hruaitute chuan thil thlenna hmunte tlawhin an dem thu an sawi a ni.