Assam-a Nagaon chu Pathianni tlai khan magnitude 4.0-a na lirnghingin a sawi.
National Center for Seismology (NCS) chuan lir a nghin thu hi puangin tlai dar 4.18-a thleng a nih thu an sawi.
“Magnitude 4.0-a na hi February 12, 2023 tlai dar 4:18:17-ah, Latitude: 26.10 leh Longitude 92.72-ah, leihnuai km 10-a thuk atanga intanin Nagaon, Assam, India a sawi,” tiin NCS hian Twitter-ah a tar lang a ni.
He chanchin buatsaih lai thleng hian chanchin kimchang hriat a ni lo va, thil tihchhiat leh mihring thi leh hliam an awm em tih pawh hriat a la ni rih lo.
Thla tir lamah khan Manipur-a Ukhrul pawh magnitude 4.0-a nain a sawi tawh bawk tih NCS-in a tar lang bawk.
NCS chuan February 4 zing dar 6.14-a nghing a nih thu a sawi bawk.