Irrigation and Water Resources Minister C. Lalrinsanga’n Sailam rama Lau Lui MI project siam thar zawhfel tak chu lonei- tute kutah a hlan.
Lau lui MI project hi Irrigation and Water Resources department-in JICA project technical cooperation project (TCP, JICA) hnuaiah department dang pa- thum – Agriculture, Land Resources, Soil and Water Conservation leh Horticulture department te nen tangruala an kalpui a ni.
Sorkar thuchhuahin a tarlan danin he project-ah hian Aibawk RD block huam chhunga Sailam khuaa loneitute tan leilet chawmna tui kawng tha zawk leh a panna kawng thawm- that hna thawh a ni a. Zawhfel a nih hnuah kar kalta Inrinni khan helai rama leilet neitu Charpui water user association te hnenah Minister C. Lalrinsanga’n a hlan ta a ni.
Lau lui MI project hi contract works leh community works-a then niin, contract works chu Rs. nuai 58.90 man hu niin, M/s Excel Consultancy Services-in an thawk a. February ni 26, 2019 ah hna tanin, May ni 14, 2020-ah an zo. Community works chu Water user association-in March ni 5, 2019 atanga thawk tanin, January ni 30, 2020 ah an zo thung a, project pumpui zawh nan Rs. nuai 67.275 hman a nih thu sorkar thuchhuah chuan a tarlang bawk.
JICA India-in ei leh bara Mizoram a intodelh na turin Agriculture lamah kum 20 chhung atan master plan a duang a. Lau lui MI project pawh hi he master plan aṭanga siam hi niin, Farming system thara luhpui tura duan a ni nih thu sorkar thuchhuah chuan a tarang a. JICA hnuaia technical cooperation project chu a tawp hnaih thu leh he project atanga chhunzawm tur lo neih dan kalhmang thar JICA Farming system (JIFAS) pawh kalpui chho tura ruahman mek a nih thu sorkar thuchhuah chuan a tarlang bawk a ni.