Aizawl : Govt. Muan- na Veng Godown-a Supply department-in SEDP sum hmanga buhfai phur motor te an buhfai phurh chawpa bukna, metric tonne 60 thleng buk theihna digital weighbridge chu Inrinni khan Food, Civil Supplies & Consumer Affairs Minister K. Lalrinliana’n a hawng.
Supply Minister digital weighbridge chu a man tam mahse, ration buhfai semchhuah kawngah khawl pawimawh leh tangkai tak, hun leh tha tlem zawk senna tur buhfai bukna khawl a nih avangin khawl tangkai tak a ni dawn tih a sawi a. Weighbridge hman thin chu a hlui tawh avangin sawiselna tam tak a awm nia sawiin, department-in a thlakna tur SEDP sum atangin a ruahman ta niin a sawi bawk.
Sorkar thuchhuahin a tarlan danin Supply deptt-in SEDP Rs. nuai 31.57 a dawn atangin digital wei- ghbridge pahnih lei a ni a, Govt. Muanna Veng Go- down leh PDC, Luangmual, Lungleiah bun a ni.
Digital weighbridge te hi Leotronic Scale private limited, Amritsar, Punjab-in an supply niin, Weighbridge pahnih man chu Rs. 21,68, 840 a nih thu leh sum hman bang te chu a bun na tur hmunhma te buatsaih nan hman a nih thu sorkar thuchhuah chuan a tarlang bawk