Aizawl : Mizoram state assembly thutkh- awm neih mek thlirin hun dang zawng aiin MLA te an inbuatsaih tha tawk lo nia a lan thu PC party-in sawiin, inbuatsaihna tha leh zual nei turin MLA te an chah.
PC party chuan MLA te chu mipuiin an aiawha ram rorel tura an thlan te an nih avangin an inthlahdah a thianglo tih sawiin, Fina- nce changtu, Chief Minister-in budget a pharh tak sawiho tura nasa leh zuala inbuatsaih turin MLA te chu an chah a ni.
Mizorama rorelna in sàng bera rorelna chu mipui hmakhaw thil a nih avangin a zahawmin, mutmawh, hnarmawha neih tak meuh tur a nih laiin party-a mithar lawmluh leh zinchhuaha boruak siam len tumin MLA ṭhen- khat chu an hmanhlel nia sawiin, hei hian Mizoram mipui hamṭhatna tura hmalakna thil tam tak a tihsukuk phah niin PC party chuan an sawi a, pawi an tih thu an sawi bawk.