Kansas City Chiefs chuan an team chanchin a tum thum nan Super Bowl champion an ni a. Thawhtanni zingah Philadelphia Eagles chu inkhel hmuhnawmah 35-38 in an hneh.
Super Bowl 57 hi Arizona-ah State Farm Stadium ah kuminah nghah a ni a. Kum li chhunga a tum hnih nan Chiefs in American football league lian berah champion nihna an chang a. Final-ah hian a hniam zawkah tang rei mahse quarter hnuhnung berah an che tha hle a, hei vang hian Lombardi Trophy an chawi.
Patrick Mahome a ni miau a!
Tun tuma team intum turte hi regular season-ah an che tha dun fal a. League-ah vawi 14 chak ve ve an ni.
Eagles hi chak tura rin zawk an ni a, team tha ni tura uluk taka inla khawm an ni a. Defense leh offense-ah khawilaiah pawh player ropui ti a chhal theih tur an kawl.
Lehlamah Chiefs hi NFL a offense hlauhawm leh fing ber a tam tak ngaih an ni a. An roster chhah dan erawhin Eagles a tluk lo deuh niin an ngai.
An inkhel ta chiah a, Eagles an chungnung nghal a, hmahruaitu ni nghal thuaiin team pahnih inkar erawh a inthlau lo.
Halftime hma in Chiefs thiampuipa, an quarterback Patrick Mahomes chuan a ke hliam a ti na belh niin a lang a, KC tan beisei a tlem.
Mahse dinhmun harsa a a din chiahin a tha zawk emaw tih mai tur Mahomes a che a, fourth quarter-ah point 17 an score theih chhan niin 27-21 a an hniam hnuah second 8 a la awmin ‘comeback’ an ti hlawhtling.
Kum 27 mi Mahomes hi kum 1999 hnua season MVP ni chunga Super Bowl champion ni a Super Bowl MVP ni thei bawk hmasa ber a ni.
Eagles tan quarter-back Jalen Hurts chuan hma hruai tha hle a, Super Bowl record ni turin rushing touchdown vawi thum lai nei mahse second half a tihsual langsar lo an neih leh thin chu a tawpah team pahnih inar danglamna a ni.
Mahomes chuan, “Team ropui kan ni ka la ti dawn lo, a chhan chu kan la duhtawk lo.”
“Eng vang maha field kha chhuahsan ka tum lo. Inhliam kha intihbuai tir ka tum lo. Ka teammate te nen kan infuih phur a, kan incho chhuak a, kan vaiin kan pawimawh hle.” tiin a sawi.