Tottenham midfielder Rodrigo Bentancur chu tun season-ah a inkhel leh tawh dawn lova, khup hliam avangin a chawlh a ngai.
Kum 25 mi hian Inrinni zana Leicester City nen an inkhelh tumin a khup hi a ti na a, minute 65-naah thlak a ngai.
Spurs chuan Bentancur hliam hi endik nghalin a khup veilamah thafei a tichhia tih hmuh a ni a. Zai a nih hnuah club medical staff hnuaiah a inenkawl tur thu a sawi.
Uruguay international hian Foxes lakah hian Spurs goal hmahruai hi a khung a. Nampalys Mendy nen an inchhilhnaah a khup hi a ti na.
Tun season-ah Spurs tan vawi 26 inkhel tawhin goal ruk a khung bakah midang khung tur vawi hnih a siamsak.
Spurs hian an goalkeeper Hugo Lloris chu kar ruk chhung an chhawr thei dawn lo mek a, anni bakah midfielder Yves Bissouma pawh a kheimit zai a ngai bawk.