Manipur Chief Minister N Biren Singh-a nena an inkawm hnuah Manipur-a tlawmngai pawl hrang hrang 143-te telna, Apage Museum-a telte chuan sorkarin ruihhlo do beihpui a thlak meka tha thawh ve turin an intiam.
Chief minister ho hian NGO 143 telna pawl, Apage Museum hruaitute hi nimin khan inkawmin an state-a ruihhlo do beihpui an thlak dan turte an sawiho.
Tlangrama tlawmngai hrang hrangte hian inthuruala tan la tura intiamin poppy chinte chu ruihhlo dona chi khat atan tihchhiat vek an tum.
Chief minister hian NGO hrang hranga member-te chu poppy chinna hmun tichhe tur hian hmatawngah an tang dawn tih sawiin, hei hi sorkarin ruihhlo a donaa ki pawimawh tak pakhat a nih thu a sawi.
“Sorkarin ‘War on Drugs’ campaign a kalpui mekah tlangram district-a NGO 143 telna, Agape Museum chuan an huam chin theuhva poppy chinte tichhe turin hmatawnga thawk turin an intiam a ni,” tiin N Biren Singh hian Twitter-ah a tar lang.
Manipur sorkar hi tun hnaiah ruihhlo dona lamah a thawk nasa hle a, ‘War on Drugs’ campaign puangin ruihhlo dona kawnga thawk tha khuate hnenah pawh chawimawina a hlan tawh.