Aizawl : MNF thalai (MNYF) hruaitu ten nim- in khan Election office-ah lengin, Tripura-a khawsa Tuikuk te Mizoram electoral roll aṭanga paih an nih tawh dan an zawtfiah nia sawiin, chak zawka hmalak dan tur thuneitute an sawipui niin a sawi.
MNYF chuan kum 2020 January ni 16-ah Chief Minister Zoram- thanga kaihhruai sorkar leh tlawmngai pawl hrang hrangte ṭanrualna avangin Union Home Minister Amit Shah kaihhruaina hnuaiah Tripura-a khaw- sa Tuikuk 30,000 chuang chu Tripura-a awm nghet turin New Delhi-ah inremna thuthlung ziah a nih tu an sawi a. Hemi ṭum hian Mizoram Chief Minister bakah, khatih laia Tripura Chief Minister Biplab Kumar Deb leh Tuikuk pawl hrang hrang aiawh ten inremna siamin, November ni 30, 2019 hnu lama Tripura Relief Camp-a Tuikuk la awm te chu an duhthlannain Tripura state-a an chen hlen an lo remti tawh tih an sawi.
He hmalakna kal zel ah Tripura-a inbengbel , Mizoram electoral roll-a hming la chuang Tuikuk voter 11658 chu ECI kaihhruainain Mizoram Ele- ctoral roll aṭanga paih tura hmalak a nih thu MNYF chuan an sawi a. Heng zinga mi 4339 chu Mizoram Electoral roll aṭanga paih an nih tawh nia sawiin, Tripura-a inbengbel tawh Mizoram Electoral roll aṭanga paih hmabak la awm chu 7319 niin an sawi bawk.
MNYF chuan rei tak Mizoramin a buaipui ta- wh, Tripura transit camp 6-a awm Tuikuk te Union Home Ministry hriatpuina a Mizoram leh Tripura sorkar bakah; Tui kuk pawl hrang hrang te remtihtlannaa kum tam tak buaina lo awm tawh chinfel a ni chho ta nia sawiin, lawmawm an tih thu an sawi a. “Mizoram leh hnam tana hriatreng tur hmasawnna hrang hrang min siamsaktu Chief Minister Pu Zoramthanga leh a kaihhruai Mizoram sorkar chungah lawmthu kan sawi” an ti bawk.