Oscars president chuan nikum lama Will Smith-a’n Chris Rock a ben hnu-ah an chhanletna chu a tawk lo hle, a ti.
Los Angeles khawpuia milar ho fuankhawmnaah Janet Yang chuan tunhnu ah chuan Academy lam hian rang takin, awmze nei leh tlang takin thil a kalpui tawh dawn niin, asawi bawk.
Nikum Oscar Awards-ah khan dawhsan atangin Host Chris chuan Smith-a nupui chungchanga fiamhtu thawhin a kap zauh a, kut inthlakna a thleng zui. A hnu rei vak lovah mittui nen Will Smith hian ‘King Richard’ film atangin Best Actor award a dawng leh lawi bawk.
Kut inthlakna a thlen hnu pawh Will Smith hnuchhuah ni lova, mi zingah a la awm zel leh award hial a dawng lawi si chu mi tam takin hrethiam lovin huaihawttute an demrawn.
Ms Yang chuan, “Stage-a thil thleng khan pawm theih a ni lova, keimahni lamin kan lo hmachhawn dan pawh kha a tawk lo hle,” a ti a ni.