Manipur chanchinbumite chuan Pathianni khan Imphal khawpuia chanchinbu pisa beihna thleng duh lohna lantirin nawrh an huaihawt.
Inrinni tlaiah khan hmeichhe pakhat, tunge a nih la hriat loh chuan Imphal-a Poknapham pisa leh he chanchinbu thovin an tihchhuah, People’s Chronicle pisa chu Chinese siam grenade hmangin a vawm a. Bomb hi a puak lo hlauh.
All Manipur Working Journalist Union leh Editor Guilds Manipur chuan Pathianniah khan he thil thleng duh lohna hi an lantir a, dawihzep taka beihna thleng chu an dem tih an sawi.
State Information & Public Relations Minister, Rajya Sabha MP leh mi dangte pawhin ‘firfiaka chetna’ tiin thil thleng an dem thu an sawi.
Indian Journalist Union pawhin an dem thu sawiin state sorkar chu a titu chhui chhuaka man ngei turin an phut.
Police pawhin thubuai an ziak lut tawh.