Aizawl: Chawlhkar thar, February 20 khian Vana Pa Hall-ah Mizoram State Day hman a ni dawn.
Nimin khan hemi chungchang ngaihtuahin K.Lalthawmmawia IAS, Commissioner & Secretary, GAD hoin, Mizoram State Day chungchanga inbuatsaihna kalpui dan thlir hoin an thukhawm a. He hunah hian sorkar department hrang hrangte chu Aizawl S.P conference hall-ah an thu khawm a. Department hrang hrangte chanvo leh mawhphurhna neihte sawiho a ni.
Mizoram State Day puala hun hman turah hian chief minister chu khuallian a ni dawn a. Mizoram sorkar hnuaia secretariat hnathawk, under secretary chin chung lam te; directorate-a thawk dy. director chin chung lamte leh Mizoram Police Senior Grade chin chung lamte chu tel tura hriattir an ni.
State Day lawmna inkhawmah hian NGO leh kohhran hrang hrangte pawh tel tura sawm an ni dawn bawk a ni.