Aizawl : Deen Dayal Antyodaya Yojana – National Urban Livelihood Mission (DAY-NULM) hnuaia khawpuia chenna/innghahna mumal neilote tana hmalakna, shelter for urban homeless (SUH) atanga hmalaknate viltu Champhai district-a city level executive committee-in an Chairman, Champhai Bawrhsap James Lalrinchhana hovin nimin khan kum upate enkawlna In, Shelter for Senior Citizens sak mek an tlawh.
Champhai Bawrh- sap chuan district hmasawnna ruhrel siam pawimawh tak takte a puitlin theihna tura ng- aihven a tul thu sawiin, ngaihtuahna fim tak hmanga enzui a tul thu a sawi a. Hna tha leh tlo, ram leh hnam tana rotling, mipui tana ch- hawrnahawm din a nih theihna tura hnathawh kallai mekte enfiah thin a tul thu a sawi.
Nakin thlenga awm zel dan tur leh enkawl zui dan tur te ngaihtuah tel a pawimawh thu pawh Champhai Bawrhsap chuan a sa- wi a. Kum upate hma- khaw ngaiin sorkarin theihtawpa hma a lak thin thu sawiin, kum upate tlukluhna leh enkawlna tur satute chu neitu thinlung pua theihtawp chhuah turin a chah bawk.
Kum upate tlukluh na leh enkawlna hmun Shelter for Senior Citizens, New Champhaia sak mek hi Rs 35, 32,000 senna tura ruahman niin, June ni 2, 2022 ah sak tan a ni a, a thawhkhatnaah Rs 1,76,600 leh a thawhnihnaah Rs 14,12,800 pekchhuah tawh niin, tunah hian a thawh thumna Rs 14,12,800 dil mek a ni a, hemi hnu hian a thawhlina Rs 5,29,800 dil leh tur a ni dawn niin sorkar thu- chhuah chuan a tarlang.