NBA trade deadline-ah an team an siksawi nasa a. Season tawp khar that tumin Los Angeles Lakers in hma an la.
An team insiksawi hnuah vawi hnih inkhelin Golden State Warriors vawikhat an hneh. Star player LeBron James hovin Ningani khan a vawikhatna atan Lakers team hmelhmang thar nei an inkhel a, 120-102 in New Orleans Pelicans an hneh.
Lakers tan hian star player pahnih LeBron James leh Anthony Davis te chuan point 21 leh 28 an score a. Davis hian rebound 10 leh assist vawi nga a nei.
Lakers lakluh thar zing ami D’Angelo Russell chuan a team hlui a zawm leh hnua anmahni court a an inkhel leh hmasa berah lawm a hlawh a, point 21 score in assist vawi 7 a nei.
An chak hnuah Davis chuan, “He inkhel hi kan ngai paiwmawh a, chak ngei kan duh. Theihtawp kan chhuah tlang vek a, kan vawikhat khelhhona chauh nimahse a tha nghal hle.” a ti.