Aizawl : Nikum January atanga December thleng khan Lunglei district-a thi- sen test 36551 zingah mi 2890-in Malaria hrik an pai tih hmuh- chhuah a ni a, Malaria hrik pai hmuhchhuah 2356 te chu Malaria Pf niin, 534 te chu Mal- aria Pv an ni thung.
Lunglei district task force for elimination of Malaria thutkhawm nimina neiha tarlan a nih danin, nikum chh- ung vek khan Lunglei district-ah Malaria av- anga nunna chan mi 2 awmin, February leh June thlaa boral, Lung- sen PHC leh Tlabung SDH huam chhunga cheng an ni.
Lunglei district-ah Bunghmun, Lungsen leh Tlabung area-ah te Malaria hrik pai hmuh- chhuah an tam hle a. Kumin January thla khan Lunglei district-ah malaria hrik pai hmuhchhuah 135 an awm bawk.
Dengue leh Chikungunya natna te pawh Lunglei district-ah a darh thu he thutkhaw- mah hian sawilan a ni a. Nikuma Lunglei district-a test 754 zingah Dengue kai 61 hmuh- chhuah niin, 132 test zingah Chikungunya kai 34 hmuhchhuah an ni a, Lunglei district-a Dengue leh Chikungunya kai hmuhchhuah tawh zingah na tak erawh an la awm lo niin Lunglei district Malaria officer & SMO Dr Lalrinthangi’n a sawi.