India-a chhiah lam thuneitute chuan ni thum chhung zet BBC pisate an dap chu an tawpsan ta.
Thuneitute hian New Delhi leh Mumbai-a pisate hi Thawhlehni atang khan dap tanin thawktute chu rei tak tak thu an zawt a, zanah pawh pisa chhuahsan lo turin an ti hlawm.
BBC chuan, “Thuneitute kan thawhpui chhunzawm zel dawn a, thil fel lote hi a rang thei ang bera tihfel kan beisei,” an ti.
An chanchin ziahte chu ‘hlauhna leh duhsak bik nei lovin’ an chhunzawm zel dawn tih an sawi bawk.
Chhuina hi BBC-in Indian Prime Minister Narendra Modi-a chhiatna lam hawi documentary an tihchhuah hnu lawka tan a ni.
BBC thuchhuah chuan, “Thawktute kan thlawp tlat a, thenkhat chu rei tak tak thu zawh fiah niin zanah pawh hawtir an ni lo va, an himna hi kan ngai pawimawh ber,” a ti.
“Kan thawh dan chu a pangngai reng a, India leh a piah lamah pawh min thlirtute tan kan awm zel ang. BBC hi a rintlak a, media organisation hrang hlang niin kan thawhpui leh kan journalist-te chuan an thil ziahte chu hlauhna leh duhsak bik ni lovin an ti zel ang,” an ti.
BBC-in documentary a tihchhuah, India: The Modi Question hi UK-ah chauh television-ah tihchhuah a ni a; mahse, India sorkar chuan mi danga thehdarh tumna dan an tum a, ‘mi awpna rilru’ nena ‘mi hrek behna leh India dona tenawm tak’ a nih thu an sawi.
Documentary-ah hian kum 2002-a Gujarat-a Muslim huatna thil avanga tharum thawhna thlenga prime minister inrawlhna tihlanna niin he thil thlen lai hian he state-ah hian chief minister a ni.
BBC chuan thla hmasa khan Indian sorkar hnenah an documentary chungchanga sawi duh a neih sawi turin a ti a; mahse, a pha.
Hlawkna um lova chanchinbu zalenna atana beitu, Editors Guild of India chuan kartirah khan BBC pisa dap chu ‘an ngai thutakin an ngaihven hle’ tih an sawi.
‘Sorkar agency-te hmanga sorkar policy leh rorel dan hmang sawiseltu chanchinbute tihhlauh leh rah beh chu chhunzawm zel a ni’ tih an sawi bawk.
Amnesty International India Board pawhin thuneitute hian ‘rorel lai, BJP sawiselna lam a tihchhuah avangin BBC chu tihthaih leh rahbeh an ni’ tih an sawi ve bawk.
Hetih lai hian party chuan pisa dap hi dan ang taka tih leh a hun thu-ah sorkar inrawlhna a awm lo tih an sawi ve thung.
Kar tirah khan BJP thupuangtu, Gaurav Bhatia chuan BBC chu ‘khawvela pawl ei ru nasa ber’ an nih thu a awi.
“India hi tute pawl tan pawh, tûr an phuh chhuak a nih loh chuan remchang siamsaktu a ni,” a ti.