Haryana-a Bhiwani district-a lirthei chhungah Rajasthan mi pahnih kang hlum ruang chhar a ni tih Ningani khan police-in an sawi.
Deputy Superintendent of Police, Loharu (Bhiwani) Jagat Singh chuan heng mite hi Bharatpur district, Rajasthan-a Ghatmeeka khuaa cheng, Nasir (25) leh Juna tia koh, Junaid (35) te an nih thu a sawi.
Police chuan an pahnih hian Nilainia ruk bo an ni tih an sawi bawk.
Ningani khan khaw mi pakhatin Loharu vengah lirthei kang a hmuh chu police a hrilh a, police an thlen chuan a chhungah ruang pahnih, kang hlum an hmu ta a ni.
Lirthei hi thite hmelhriattu pakhat ta a nih thu police chuan an sawi.
Chassis number atang khan a neitu hi Aseen Khan-a a ni.
Police chuan anmahni ru botute hian he hmunah hian hruaiin a chhungah an khung a, zan laiah an hal ta nia an rin thu an sawi.
Thi chhungte hi koh niin lirthei pawh a neitu an hre nghal mai a, ruangte pawh dan anga tih tulte tih zawh a nih hnuah an hnenah hlan nghal an ni.
He thil thlengah hian Indian Penal Code section hrang hrang tlawhchhanin Gopal Garh police station, Rajasthan-ah thubuai ziah luh a ni.