Aizawl : Centre for disabilities studies leh state commission for persons with disabilities te tangkawpin Ningani khan Aijal club-ah awareness on issues and challenges of persons with disabilities in Mizo society an buatsaih a. State Commission for Persons with Disabilities Chairman Vanlaldiki Sailo-in a hmanpui.
State Commission for PwD Chairman Vanlaldiki Sailo chuan pianphung leh kawng hrang hranga rualban ve lo te sorkarin a ngaipawimawh chho zel tih sawiin, an tan ruahmanna leh ha-m thatna tam tak siamin, sorkar hnalakah pawh -rights of persons with disabilities, 2016- tla- whchhanin za-a 4 ha- uhsak an nih thu a sawi a. School admission-ah pawh za-a 5 hauhsak an nih thu a sawi.
Mizorama district tinah district level committee on PwD din a nih thu pawh State Commission for PwD Chairman chuan sawi- in, NIELIT nen tan- gkawpin mitdel ten computer application course an zir theihna tur ruahman mek a nih thu a sawi a. Gilead Special School-ah digital class room siam a nih thu leh autistic te tan smart class room buatsaih chhoh leh mek a nih thu a sawi.
State Commission for PwD hmalaknain Mizorama rualbanlo te data pawh district pathum tihlohah chuan neih vek a nih tawh thu State Commission for PwD Chairman chuan a sawi a. Aizawl City Bus Owner’s Association nen tangkawpin Aizawla bus service zawng zawngah rualbanlote tan thutna hauh a nih tih hriatna sticker bel vek a nih tawh thu a sawi bawk.
MBSE-in tunhnaiah Higher secondary zirlat mitdel te tan mitdel hawrawp (braille) textbook pawh a siam thu State Commission for persons with disabilities Chairman Vanlaldiki Sailo chuan a sawi bawk a ni.