Kolasib District Jail-ah mi tang 73 awm mekin, an zinga 67 chu mipa an ni a, hmeichhia 6 an tang mek bawk.
Kolasib District Jail-a tang damlo leh boral an awma hma- lak dan tur leh Jail tangte hriselna uluk zawka enkawl dan tur chungchang ngaihtuaha thutkhawmah Zirtawpni khan Kolasib District Jail Superintendent Lalmuanpu- ia’n Jail dinhmun tla- ngpui a sawi a. Hrise- lna pan deuh leh dam- lo awm te chu Jail chhunga inenkawlna bakah District hospital-ah te a tul anga enkawl thin an nih thu a sawi.
Kolasib District Jail Superintendent chuan Jail tang zingah kut inthlakna emaw thawktute atangin intihduhdahna emaw a awm an hriatloh thu a sawi bawk.
Kolasib Bawrhsap John LT Sanga hova thutkhawmah hian Kolasin SP Vanlalfaka Ralte, Kolasib CJM Cacy Malsawmtluangi, District medical superintendent Dr. Samuel L.Fanai, DIP- RO Hmingthanzuala leh District Jail Superintendent Lalmuanpuia te an tel a. Jail tang boral an awmin, National Human Rig- hts Commission (NH- RC)-in a phut anga hmalak dan tur te, district pawna thawn ngai chi test hrang hrang result chak zawka hmuh theih dan tur te an sawiho a. Jail tang tur te Jail-a dahluh an nih hma ngeia an hriselna uluk taka endik a tul thu te, Jail an tan chhunga uluk taka endik thin a pawimawh thu te, NHRC kalphung duan te zawm a pawimawh thu leh heng kalphungte hi thawktute pawhin an hriatchian a tul thu te an sawi bawk a ni.