Aizawl : PC party-in Lengpui airport buaina chinfel thuai an phut.
PC party chuan “Mizoramin thlawhna ṭum- hmun kan neih ve theihna tura Lengpui ram, tuna Airport lo ni ta hi Brig. T. Sailo-in Chief Minister a nih laia a sual chhuah, Congress leh PC sorkar inṭawm laia tihpuitlinna tura ruahmanna siamfel ni ta, chumi hnua Congress ministry-in a tihpuitlin tàk a ni” an ti a. Lengpui airport inrelbawlna chungchanga tunhnaia Congress leh MNF par- ty-in Assembly house thlenga inbeihna atana an hman chungchangah mipui ten thudik an hriat theihna tura a rang thei ang bera chhuichiang tura thuneitute an ngen thu an sawi.
“Brig. T. Sailo kaihhruai PC sorkarin hun khirh tak leh harsatna tam tak kâra Mizoramin Lengpui rama thlawhna ṭumhmun a neih theihna tura theihtawp an lo chhuahnain rah duhawm tak a neih chhoh mêk laia – mimal sum siam nân leh mahni party hamṭhatna tur ni awm taka Lengpui airport-in pawngsual a tawk ta chiam mai hi PC party chuan pawi kan ti” an ti a. “Lengpui airport hian a nihna tur dik tak a dinchhuahpui theihna turin uluk taka enkawla, tiphuisui deuh deuh turin PC party chuan Mizoram sorkar kan beisei” an ti bawk.