Khandwa, Madhya Pradesh atanga kum nga liam taa bo, a hnua ramri a lo kân avanga Pakistan-a lung ina tang, kum 44 mi chu India-ah hruai haw a ni leh ta tih Thawhtanni khan thuneituten an puang.
Raju Pindare-a hi Indhawadi-a cheng niin Indian thuneitute hnenah leh mi pali, police leh damdawi thiamte hnenah Amritsar-ah hlan a ni tih Additional Collector Shankarlal Singhade chuan a sawi.
“Pindare-a hlan let hi Amritsar-a Red Cross Society kaltlanga neih a ni a. Dan anga tih ngaite tihfel a nih hnuah a chhungte hnenah pek a ni ang,” tiin Singhade chuan a sawi.
Subhash Sharma, Project Manager, Red Cross Society, Amritsar, chuan Pindare-a hi Pakistan hian February 14 khan chhuahin ramri, Wagah atangin India-ah luhtir a ni a, Khandwa police hnenah Thawhtanni khan an hlan tih a sawi.
Khandwa Superintendent of Police (SP) Vivek Singh chuan police headquarters nen inbiaa an inhlan let thu a sawi.
Pindare-a nu, Basanta chuan Pakistan atanga thu an dawnah kum 2019 khan a rilru a kimchiang lo tih an sawi niin a sawi a, hei hi a bo atanga thla ruk liam hnu a ni.