Congress hruaitu hlun, Rahul Gandhi chuan Meghalaya assembly inthlan turah Shillong-ah a campaign dawn.
Gandhi hian Nilainiah Shillong a thleng ang a. Chawhma dar 11:00 velah Malki ground-ah Congress candidate-te tan a campaign dawn a ni.
AICC General Secretary (Communications) Jairam Ramesh chuan Gandhi-a’n Shillong a tlawh tur hi a puang.
Gandhi-a hi Meghalaya inthlan turah an party tana a campaign loh chungchangah hian zawhna a tam hle.
Congress hruaitu leh worker tam tak chuan an hruaitu lawk tak takten hmarchhak state – Meghalaya, Tripura leh Nagaland-a campaign-a hun an hmang tlem lutuk chu mak leh pawi an tih thu an sawi hlawm.
Meghalaya-ah hian Congress hian bial 60-ah an chuh vek a. Kum 2018 inthlanah khan bial 18 an la.
An MLA 18 zinga 13 erawh chuan TMC an zawm zui a, a dang panga lahin NPP an thlawp avangin hnawh chhuah an ni zui.