AZL: India rama marathoner langsar ber zing a mi, Dharmendra Kumar chuan Run of Mizoram a nei dawn a, high school leh college lo kal thinna Mizoram a fang dawn.
Bengaluru-a cheng, kum 44 mi, Kumar hian March 6-11, 2023 chhungin Saiha atangin Vairengte a tlan thleng dawn a. He hunah hian a duh apiangin mahni remchan danin kein emaw, thirsakawrin emaw, lirthei emaw pawhin lo zawm ve turin a sawm.
Run of Mizoram a neih chhan tur hi fitness leh hriselna tihlarna atan a tih bakah Mizoram Tourism chawikanna atan a nih thu a sawi a. Ama sum sengin a ti dawn.
Kumar hian Lawngtlai, Lunglei, Thenzawl, Aizawl leh Kolasib paltlangin Siaha atanga Vairengte a tlan thleng dawn a. Ni ruk chhungin km 380 a tlan dawn tihna a ni.