Aizawl : Rs 9,00, 500 senna Bilkhawthlir North VC Futsal gro- und siamthar chu ni- min khan Serlui bialtu MLA Lalrinsanga Ralte-in a hawng.
Serlui bialtu MLA chuan Futsal ground thar a hawn tak chu Bilkhawthlir thalaite tana infiamna kawnga hmasawnna leh hrisel- na thlentu hmanraw tangkai a nih theihna turin duhsakna a hlan a. Futsal ground chu a theih anga tihchangtlun zel tum a nih thu a sawi.
Bilkhawthlir khuaa sorkar hmalakna hrang hrang te sawiin, Lalrinsanga Ralte chuan Basketball court siam mek a nih thu te, PHC building thar sak a nih thu leh X-Ray khawl thar leh a dahna tur building thar sak a nih thute a sawi a. Kei-cham-ah current pawhluh a nih thu te, khaw chhung kawng hmun hrang hrangah PCC flooring siam a nih thu leh Bilkhawthlir second lane chu PCC flooring bakah retaining wall leh culvert te siama cheithar vek a nih thu a sawi.
Bilkhawthlir North VC Futsal ground chu 15th Finance commission hnuaia grant an hmuh atanga siam a ni a, Field-a phah tur artificial turf chu bialtu MLA-in a fund atangin a ngaihtuahsak thung.
Serlui bialtu MLA hian nimin vek khan Bil- khawthlir-a sorkar hma- lakna PWD IB leh Ekl- avya Residential Model School te tlawh in, an hnathawh dan te a enpui a, an hnathawh dan a hmuhin lawm- awm a tih thu sawiin, an hnathawh na kawngah harsatna an nei a nih chuan khawtlang hruaitute kaltlanga amah hrilh thin tura cha- hin hna tha taka thawk zel turin a chah bawk.