Aizawl : ZPM thalai hruaitu ten PAHOSS hmanga Aizawl hmun hrang hranga parking house sak te tlawhin, a satu ten an sa ṭha thaw- khat niin an hriat.
PAHOSS chu Aiz- awla traffic jam tihzia- awmna tura ruahman ni mahse, a tam zawk chu a sakna hmun leh vengin a zir lo nia an hriat thu ZPM thalai chuan an sawi a. Sum tam tak hmanga parking house sak tam zawk chuan Aizawl traffic tawt a chhawk theih a rinawm loh niin an sawi.
ZPM thalai chuan PAHOSS sum dawng, hmang dik tawk lo an awm palh pawha hrem- na mumal siam turin thuneitute an phut a. PAHOSS chu tute em- aw induhsakna leh a tum ṭhelhin in sak ṭanpuina satliahah a chh- uak ang tih an hlauh thu an sawi a. Dan mumal awm lo hnuaiah PAH- OSS sum dawng, a nih- na tur taka hmang lova la tipuitlinglote chu sor- karin ngawihbopui a tum em ni? tih an zawt.
PAHOSS hmanga hmalakna an tlawhnaah parking house sak mek, a then chu first installment dawnga a dang dawn chhunzawm ta lem lo an awm nual tih an hmuh chhuah thu ZPM thalai chuan an sawi a. MNF sorkâr term tawp dawn thlenga PAHOSS sum la dawng kimlo an awm chu sawifiah turin sorkar an phut a, ruahmanna felfai zawk neia kalpui turin Mizoram sorkar an ngen bawk.